Viva Suecia

Sábado 26

Escenario FESTIVAL DE LA LUZ

Viva Suecia é un grupo de pop-rock español
A banda naceu en Murcia en 2013. Jess Fabric e Alberto Cantúa trabaran amizade, e tiveron durante algún tempo un grupo de música instrumental. Decidiron buscar un vocalista para un novo proxecto e, máis tarde, un batería, e así contactaron con Rafa Val e Fernando Campillo.

O seu primeiro traballo discográfico, foi o mini-lp homónimo, de cinco cancións, publicado en 2015 por un selo local, Clifford Records. Despois serían fichados por unha das discográficas clave no indie nacional, Subterfuge Records. En 2016 lanzaron o seu novo disco, La fuerza mayor, que incluía os temas do seu anterior traballo e seis cancións novas. O éxito do seu single Bien por ti, deulles a coñecer e converteríase no primeiro dos seus himnos.

Ao ano seguinte, apareceu un novo disco, Otros principios fundamentales, co que consolidaron o éxito alcanzado cos seus anteriores discos, o que lles levou a unha longa xira onde presentaron os seus temas en toda España, e participaron en festivais como o FIB de Benicássim, o Mad Cool e o Sonorama. Tamén tocaron en Portugal, Colombia e México. En 2019, editouse o seu álbum El milagro e en 2022, El amor de la clase que sea.