O Festival da Luz reafirma o seu compromiso un ano máis con Mahou Cinco Estrellas. A cervexeira, que considera que os encontros entre persoas son esenciais para vivir mellor e ser felices, enriquecerá a experiencia dos asistentes ao festival con distintas actividades que achegarán ao público a través da música, a gastronomía e o lecer cervexeiro, brindando a oportunidade de compartir momentos especiais.
Mahou Cinco Estrellas ofrecerá a posibilidade de gozar dos mellores sabores no Gastroespacio Mahou. Tras o éxito de edicións anteriores, regresan ao Festival da Luz os xa tradicionais showcookings, que se sucederán durante toda a xornada do sábado e o domingo e estarán liderados polos chefs galegos Kike Piñeiro e Eloy Cancela de A Horta do Obradoiro (Santiago de Compostela), Nacho Moreira de La Esquina de Valentina (A Coruña), Gerardo Quintela de Quintela (A Coruña), Silvia Munno y Carlos Montes de Sifonería (A Coruña), David Mariño de El Rincón del Reino (A Coruña), Xoán Pires de Sunset Bastiagueiro (A Coruña), Javier Míguez e Tino Otero de Casa Amancio (Santiago de Compostela), Martín Fernández de Bágoa Gastrobar (Ourense) e Jonathan Collado e Alexandro Pinto de Restaurante Glabistro (Ourense). Estes chefs compartirán os seus segredos culinarios usando produtos locais e de tempada, e ofrecerán degustacións de tapas elaboradas durante as demostracións.
Cunha localización privilexiada dentro do recinto, a Terraza Mahou continuará sendo o lugar ideal para atoparse e gozar dos concertos do escenario principal. Alí, ademais, poderanse degustar as diferentes variedades de Mahou e compartir actuacións como a de Señora Dj e máis sorpresas.