Referente alternativa da recuperación do son de verbena e da reivindicación de xéneros como o merengue, a cumbia ou o electro-latina desde unha mirada contemporánea; ORTIGA é un dos embaixadores subterráneos dunha fusión que derruba xéneros para alumar un son absolutamente persoal. Bebendo tanto dos ritmos urbanos e latinos como da cultura rock, e tras liderar proxectos como Esteban e Manuel ou seguir capitaneando o dúo de trap galego BoyankA KostovA; ORTIGA ten un show absolutamente explosivo, que é unha máquina de baile onde se fusiona corpo de ventos, chiscadelas á cultura da orquestra galega e un frontman imposible de definir nun xénero único.