O’Funk’illo

Sábado 26

Escenario FESTIVAL DE LA LUZ

O’funk´illo é un grupo musical sevillano de funky (“Funky andaluz embrutessío” segundo os propios membros do grupo). O seu nome provén de mesturar a expresión sevillana “ojú killo” co funk, principal estilo da banda. Á parte do funk, O’funk´illo conta cunha gran variedade de estilos nas súas composicións, desde o metal ao flamenco, pasando polo reggae.

Os comezos de O’funk´illo remóntanse ao ano 1997, cando actuaban baixo o nome de Motherfunkers, principalmente facendo versións. O grupo obtivo boa acollida, e decidiron empezar a compoñer co actual nome de O’funkillo. Co tempo, o grupo consolidou o seu éxito, formando parte do cartel de varios festivais de música de importancia, como o Viña Rock ou o Espárrago Rock e multitude de concertos en solitario por toda España. O seu último traballo tivo unha especial acollida, tanto no público, como nos medios. Os seus fans se autodenominan funkáticos.

Ademais de producir os seus dous últimos discos, O’funk´illo foron produtores e promotores do grupo Las Niñas, cuxas compoñentes foron vocalistas nos dous primeiros traballos do grupo.

En febreiro de 2006 disólvense, pero volven ás andadas cunha xira no seu 10º aniversario, tras a cal decidiron seguir co grupo.